భాను సప్తమి ప్రాముఖ్యత (జూన్ 21,2026)

భాను సప్తమి ..ఆదివారం రోజున వచ్చే శుక్ల పక్ష సప్తమి తిథి. ఈ రోజు సూర్యభగవానుడికి అత్యంత ప్రీతికరమైన రోజు.  ఆరోజు సూర్యనారాయణుని భక్తిశ్రద్ధలతో పూజిస్తే ఆరోగ్యం, ఐశ్వర్యం, విజయాలు, దీర్ఘాయుష్షు లభిస్తాయి

 సూర్య భగవానుడి పూజతో కలిగే ఫలితాలు..

సూర్యదేవుని అనుగ్రహం లభిస్తుంది.

 దీర్ఘకాలిక అనారోగ్యాలు తగ్గుతాయి

ఉద్యోగ, వ్యాపారాలలో పురోగతి .

కుటుంబంలో సుఖశాంతులు, సంపద పెరుగుతుంది.

  ఆ రోజు చేయాల్సిన కార్యక్రమాలు..

 బ్రహ్మ ముహూర్తంలో లేచి స్నానం చేయాలి.

 ఉదయించే సూర్యునికి రాగి పాత్రలో నీరు, ఎర్ర పువ్వులు, అక్షతలు వేసి అర్ఘ్యం సమర్పించాలి.

 ఎర్రటి పూలతో సూర్యనారాయణుని పూజించాలి.

గోధుమలు, బెల్లం, ఎర్ర వస్త్రం సమర్పించడం శుభప్రదం.

వీలైతే ఆదిత్య హృదయం పారాయణం చేయాలి.

 12 సార్లు లేదా 108 సార్లు సూర్య నమస్కారాలు చేయవచ్చు.

 జపించాల్సిన మంత్రాలు

ఓం ఘృణిః సూర్యాయ నమః॥

ఓం హ్రాం హ్రీం హ్రౌం సః సూర్యాయ నమః॥

జపాకుసుమ సంకాశం కాశ్యపేయం మహాద్యుతిమ్

తమోఽరిం సర్వపాపఘ్నం ప్రణతోస్మి దివాకరమ్॥

ఈ మంత్రాలను 11, 21 లేదా 108 సార్లు జపిస్తే ఎంతో శుభప్రదంగా భావిస్తారు.

 దానధర్మాలు

 గోధుమలు , బెల్లం , ఎర్రటి వస్త్రాలు,  రాగి పాత్ర, పండ్లు,  గోసేవ లేదా గోదానం , అన్నదానం, పేదలకు తాగునీరు, గొడుగు, చెప్పులు  దానం చేయాలి 

 దర్శించాల్సిన దేవాలయాలు

 సూర్యనారాయణ స్వామి ఆలయం,

 అరసవల్లి సూర్యనారాయణ స్వామి దేవస్థానం,

 సూర్యనార్ కోవిల్, కోణార్క్ సూర్య దేవాలయం,

సమీపంలోని సూర్యనారాయణ, నవగ్రహ లేదా శివాలయంలో కూడా దర్శనం చేసుకోవచ్చు.

పాటించాల్సిన నియమాలు

 సూర్యోదయానికి ముందే లేవాలి.  సాత్వికాహారం మాత్రమే తీసుకోవాలి.  అబద్ధం, కోపం, హింసకు దూరంగా ఉండాలి.  తల్లిదండ్రులు, గురువుల ఆశీర్వాదం తీసుకోవాలి.  వీలైతే ఉపవాసం లేదా ఫలాహారం పాటించాలి.  సూర్యాస్తమయం వరకు భక్తితో సూర్యస్మరణ చేయాలి.

ఇలాంటి మరింత సమాచారం కోసం మా 

తెలుగు న్యూస్ రూమ్

 పేజీని ఫాలో అవ్వండి.